René Barjavel

René Barjavel (Nyons, Frantzia, 1911ko urtarrilaren 24a - Paris, Frantzia, 1985eko azaroaren 24a) frantses idazlea izan zen.

Zientzia fikzioaren maisutzat hartzen da. Idazle profesional gisa aritu aurretik, kazetari gisa lan egin zuen. Eleberriak eta antzerkiak idatzi zituen batez ere. Lehenengo eleberria ''Ravage'' (1943) izan zuen, teknologiaren zibilizazioaren beheraldiaz eta naturaren hurbileko bizimoduaz hitz egiten duena. Horrez gainera idatzi zituen: ''Le Voyageur imprudent'' (1944, Bidaiari zoroa), denboran aurrera egiten duen makina bati buruzkoa; ''Tarendol'' (1944), ''Le Diable l'emporte'' (1946, Deabruak eramaten du), ''Colomb de la lune'' (1962, Ilargiko Kolon), ''La Nuit des temps'' (1968, Denboretako gaua), ''Le Grand Secret'' (1973, Sekretu handia). Antiutopiaren tradizio moralista frantsesarekin bat eginik, gerra aurreko zientzia fikzioa apurtu zuen. Wikipediatik informazioa lortu