Daniel Ellsberg

Daniel Ellsberg (Chicago, 1931ko apirilaren 7a - Kensington, Kalifornia, 2023ko ekainaren 16a) estatubatuar ekonomialari, analista militar, ekintzaile eta barneko salatzailea izan zen.

1971n, RAND Corporation institutuan lanean ari zela, Pentagonoko paperak eman zizkien zenbait egunkariri, hala nola The New York Times eta The Washington Post egunkariei. Vietnamgo Gerran erabakiak hartzeari buruz AEBetako gobernuak egindako txosten sekretu bat zen.

Gobernuak espioitza, lapurreta eta kondpirazioa leporatu zizkion Ellsbergi 1973ko urtarrilean. 1973ko maiatzean absolbitu egin zuten akusazio guztietatik.

Ellsberg aktibismoagatik nabarmendu zen eta WikiLeaks, Chelsea Manning eta Edward Snowdenen alde egin zuen. 2018an Olof Palme saria jaso zuen. Wikipediatik informazioa lortu