Jacek Malczewski

Jacek Malczewski (Radom, Batzarreko Polonia, Errusiar Inperioa, 1854ko uztailaren 15a - Krakovia, 1929ko urriaren 8a) poloniar margolaria izan zen.

17 urterekin Krakoviara joan zen eta 1872an hezkuntza artistikoa jasotzen hasi zen. Besteak beste, Jan Matejkoren eskolak jaso zituen. 1876an Parisera joan zen urtebetez bere artea hobetzera. 1885etik 1916ra Paris, Munich eta Viena aldizka bisitatu zituen, Italia, Grezia eta Turkiara bidaiatu zuen eta espedizio arkeologikoetan parte hartu zuen.

Polonia Gaztea mugimendu patriotikoko kide izan zen eta poloniar sinbolismoaren aitatzat hartzen da. Garaiko estiloa Poloniako martirioaren gai historikoekin, independentziarako ideal erromantikoekin, greziar eta kristau mitologiarekin, ipuin herrikoiekin eta naturarekiko maitasunarekin uztartu zuen.

Rafał Malczewski margolariaren aita izan zen. Wikipediatik informazioa lortu