Jan Morris

Jan Morris, jaiotzez James Humphrey Morris (Clevedon, Somerset, Erresuma Batua, 1926ko urriaren 2a - Pwllheli, 2020ko azaroaren 20a) britainiar historialari eta bidaia idazlea izan zen.

Militarra izandakoa, Britainiar Inperioaz idatzi zuen, Oxford, Venezia, Trieste edo New York deskribatu zituen eta espainiar historia eta kulturaz ere idatzi zuen.

Morrisek Bigarren Mundu Gerran Britainiar Inteligentzian egin zuen lan eta, beranduago, The Times egunkarian idatzi zuen. Lan honetan arrakasta berezia lortu zuen 1953an, Everestera iritsi zen lehen espedizio britainarrari lagundu zionean.

Gizonezko jaio zen eta 1949an Elizabeth Tuckniss anderearekin ezkondu zen eta bost seme-alaba izan zituzten. Horietako bat Twm Morys poeta eta musikaria izan zen eta bigarren bat haurtzaroan hil zen.

1972an, James Morris Marokon sexu aldaketa burutu ondoren, Jan Morris bilakatu zen. ''Conundrum'' liburuan deskribatzen du prozesu guztia. Ebakuntzaren ondoren, Morrisek Elisabethekin ezkonduta jarraitu zuen, baina epe labur batean legeak dibortziatzera behartu zuen.

2008ko maiatzaren 14an berriro ezkondu zen bikotea. Wikipediatik informazioa lortu