Hermes

Duw o fytholeg Roeg oedd Hermes (Hen Roeg: Ἑρμῆς). Ef oedd cennad i'r duwiau ar Fynydd Olympos. Gallai symud yn gyflym rhwng bydoedd y marwol a'r dwyfol gyda chymorth ei sandalau asgellog. Un o'i ddyletswyddau oedd tywys eneidiau i'r isfyd. Roedd yn cael ei ystyried yn dwyllwr duwiol. Ef oedd amddiffynnydd a noddwr cenhadon dynol, teithwyr, lladron, masnachwyr ac areithwyr.

Mewn darluniadau mae'n gwisgo sandalau asgellog a helmed asgellog (neu weithiau dim ond het lydan syml) ac mae'n cydio yn y ''caduceus'' – ffon asgellog wedi'i chydblethu â dwy sarff yn cyfathrachu. Mae ei symbolau eraill yn cynnwys y ceiliog a'r crwban.

Yn Rhufain, roedd yn cael ei gyfateb â Mercher. Darparwyd gan Wikipedia